Russiýanyň ilçihanasy Türkmenistanyň raýatlary üçin goşmaça kwotalary talap eder
Russiýa Federasiýasynyň Türkmenistandaky ilçihanasy Türkmenistanyň raýatlarynyň bilim almagy üçin goşmaça kwotalary bölüp bermek meselesine garamak maksady bilen Moskwa haýyş bilen ýüz tutmagy meýilleşdirýär. Bu barada ORIENT bilen eden söhbetdeşliginde Russiýanyň Türkmenistandaky ilçihanasynyň birinji sekretary, Rus hyzmatdaşlygyň wekili Ýuliýa Zaýtsewa aýtdy.
― Goşmaça kwotalaryň bölünip berilmegi bilen bilim ugrundaky ýerleriň sany şoňa görä köpelýär. Biziň haýyş bilen ýüz tutmaga ähli hukugymyz bar. Sebäbi geçen ýyl bilen deňeşdirilende kwotalar köpelmedi - diýip, Zaýtsewa belledi.
Onuň aýtmagyna görä, arza tabşyrylşyk 20-nji martda tamamlanar.
Russiýa, Türkmenistanyň raýatlary üçin indiki okuw ýyly üçin orta hünär we ýokary bilim edaralarynda 250 býujet ýerini, ýagny geçen ýylyň derejesine laýyk gelýän kwota bölüp berdi. Şu ýyl ilkinji gezek Russiýa Federasiýasynyň Ulag ministrliginiň üsti bilen täze hünärler goşuldy.
Kwotadanyň çäginde türkmen talyplarynyň bilim almagy Russiýa Federasiýasynyň býujetinden maliýeleşdirilýär. Arzalar education-in-russia.com portalynda açykdyr. Hasaba alyş 2023-nji ýylyň 20-nji martyna çenli dowam eder.
Artur Petrosyants
