Si Szinpin HHR-nyň başlyklygyna üçünji möhlete gaýtadan saýlandy

Mart 10, 2023 | 15:10 |10390

Si Szinpin halk wekilleriniň Umumyhytaý ýygnagynyň deputatlary tarapyndan HHR-nyň başlyklygyna üçünji möhlete biragyzdan gaýtadan saýlandy – diýip, «Sinhua» habar berýär.

Şeýlelik bilen, häzirki döwlet baştutany taryhda ilkinji gezek üçünji möhlete gaýtadan saýlanan HHR-nyň başlygy boldy. Şol bir wagtyň özünde ol Harby geňeşiň başlyklygyna gaýtadan saýlanyldy.

Ses bermede HDUÝ-nyň 2952 agzasy gatnaşdy. Gaýtadan saýlama wekilleriň 14-nji çagyrylyşynyň birinji sessiýasynyň üçünji plenar mejlisinde bolup geçdi.

Geçen ýyl Si Szinpin Hytaýyň Kommunistik partiýasynyň baş sekretarlygyna gaýtadan saýlanypdy.

ORIENT habarlar