«Türkmenhowaýollary» mart aýynda Londona, Pekine, Delä we Almata uçup başlarlar – uçuşlaryň rejenamasy we biletleriň nyrhlary
«Türkmenistan» awiakompaniýasynyň 26-njy martdan Aşgabatdan Londona, Pekine, Delä we Almata ýolagçy uçuşlaryny amala aşyryp başlaýandygyna milli howa gatnadyjysynyň saýtyndaky täzelenen rejenamasy şaýatlyk edýär.
«Türkmenhowaýollarynyň» uçarlary şeýle hem Moskwa, Kazana, Stambula we Frankfurta kadaly uçmagyny dowam etdirýär. Ýakyn wagtda halkara ugurlaryň sany dokuza çenli artar.
Aşakda halkara uçuşlaryň rejesini we 9-njy martdaky ýagdaýa görä biletleriň onlaýn-satylyşynyň nyrhnamalaryny getirýäris:
Almata
Aşgabatdan uçuş her hepdäniň sişenbe güni sagat 22:30 we penşenbe güni sagat 09:05
Almatadan yzyna uçýan günleri her çarşenbede sagat 03:40 we penşenbede sagat 14:00
Bir tarapyna biletiň bahasy: 3587.5 TMT
Deli
Aşgabatdan uçuş her ýekşenbe güni sagat 05:15 amala aşyrylýar.
Yzyna Deliden amala aşyrylýan uçuş her ýekşenbe sagat 10:35 ýerine ýetiriler
Bir tarapyna biletiň bahasy: 4611.3 TMT
Pekin
Aşgabatdan uçýan güni her hepdäniň sişenbe güni sagat 01:20 we anna güni sagat 17:20
Pekinden yzyna uçuşlar her sişenbe sagat 12:20, şenbe güni sagat 04:50 we ýekşenbe güni sagat 13:50 amala aşyrylar
Bir tarapyna biletiň bahasy: 9047.5 TMT
London
Aşgabatdan uçýan güni her çarşenbede sagat 13:00
Londondan yzyna uçuş her çarşenbede sagat 17:50
Biletler entäk onlaýn-satuwa çykarylan däldir.
Görkezilen bahalar awiabiletleri diňe «Türkmenistan» awiakompaniýasynyň resmi saýtynda milli banklaryň kartlarynyň üsti bilen satyn almaga degişlidir. Kassadaky bahalar tapawutlanyp biler.
Biletleri manat serişdelerine «Türkmenistan» awiakompaniýasynyň resmi saýtyndan
we Aşgabatdaky bilet satylýan kassalardan satyn alyp bolýar. Biletleri daşary ýurt puluna milli howa gatnadyjysynyň daşary ýurtlardaky wekilhanalaryndan satyn alyp bolýar. Ähli ofisleriň sanawy şu salgylanma boýunça elýeterlidir .
Ozal ORIENT-e Türkmenistanyň Ministrler Kabinetiniň ýanyndaky Ulag we kommunikasiýalar agentliginde habar bermeklerine görä, ýakyn aýlarda «Türkmenhowaýollary» tarapyndan birnäçe başga ugurlara, şol sanda Bangkoka, Minskä, Sankt-Peterburga, Ankara, Pariže, Seula we Tokio uçuşlary açmak meýilleşdirilýär.
Ýük gatnawyny Hanoe (Wýetnam), Seul (Koreýa Respublikasy) we Şençžen (Hytaý) bilen ýola goýmak meýilleşdirilýär.
ORIENT habarlar
