DIM: Türkmenistanyň Prezidenti apreliň birinji ýarymynda Duşenbä sapar bilen barar
Prezident Serdar Berdimuhamedowyň apreliň birinji ýarymynda Duşanbä boljak döwlet saparyna taýýarlyk meselelerini Türkmenistanyň we Täjigistanyň DIM-niň baştutanlary ara alyp maslahatlaşdylar.
Çarşenbe güni Raşid Meredow özüniň täjik kärdeşi Sirojiddin Muhriddin bilen gepleşikleri geçirdi, onuň barşynda ikitaraplaýyn hyzmatdaşlyk meseleleri ara alnyp maslahatlaşyldy – diýip, Täjigistanyň daşary syýasat edarasy habar berýär.
Şeýle hem DIM-niň baştutanlary şu ýylyň sentýabrynda boljak Merkezi Aziýa döwletleriniň baştutanlarynyň Bäşinji ýubileý Konsultasion duşuşygyna we Araly halas emegiň Halkara Gaznasyny esaslandyryjy-döwletleriň baştutanlarynyň Geňeşiniň nobatdaky ýygnagyna taýýarlanmagyň meselelerine degip geçdiler.
Raşid Meredow türkmen wekiliýetine baştutanlyk etdi, onuň düzümine Merkezi bankyň, Bilim ministrliginiň, Söwda-senagat edarasynyň we Türkmenistanyň Ministrler Kabinetiniň ýanyndaky Ulag we kommunikasiýalar agentliginiň ýokary wezipeli ýolbaşçylary girdiler.
Habarda bellenip geçilişi ýaly, gepleşikler birek birege ynanmak we konstruktiw ýagdaýda geçdi. Onda türkmen-täjik özara gatnaşyklarynyň işjeň ugurlaryna seredildi.
Şeýle hem şu gün Raşid Meredowyň Respublikanyň baştutany Emomoli Rahmon bilen duşuşygy meýilleşdirilýär.
ORIENT habarlar
