«Uztransgaz» Russiýadan gaz importy üçin infrastruktura taýýarlaýar
«Uztransgaz» paýdarlar jemgyýeti, Russiýadan gaz importy üçin infrastrukturasyny taýýarlaýar diýip, anna güni kompaniýanyň metbugat gullugy habar berdi.
Habara görä, esasy gaz geçirijileriniň Gazliýsk müdirligi içerki we esasy gaz geçirijilerinde zerur gurnama işlerini alyp barýar.
«Maksadymyz, Russiýadan getirilýän tebigy gazyň mukdarynyň içerki daşama möçberi bilen garyşmazlygyny üpjün etmek. Şeýlelik bilen her ugur boýunça aýratyn daşama gurnalar», - diýip «Uztransgazyň»Telegram kanalyndaky habarda aýdylýar.
Geçen ýylyň noýabr aýynda Russiýa Gazagystana we Özbegistana rus gazlaryny bu ýurtlaryň çäginden daşamak bilen baglanyşykly «üç taraplaýyn gaz birleşigini» döretmegi teklip etdi.
Özbegistan geçen ýylyň dekabr aýynyň başynda sowuk howada içerki sarp edişiň ýokarlanmagy sebäpli tebigy gaz eksportyny doly bes etdi. Respublikada aýazly howa we gök ýangyjyň ýetmezçiligi sebäpli meýilleşdirilen elektrik togyny kesmek girizildi. Häkimiýetleriň habar bermegine görä, gyşyň iň ýokary ýükünde respublikada günde 20 million kub metre çenli gaz ýetmezçiligi ýüze çykýar.
ORIENT news
