Türkmenistanyň Gazagystandaky Adatdan daşary we Doly ygtyýarly ilçisi Ýewraziýa milli uniwersitetinde leksiýa bilen çykyş etdi
Türkmenistanyň Gazagystandaky Adatdan daşary we Doly ygtyýarly ilçisi Batyr Berdiýew Astanadaky L.N.Gumilýow adyndaky Ýewraziýa milli uniwersitetinde talyplaryň öňünde leksiýa bilen çykyş etdi.
Diplomat Türkmenistanyň ykdysadyýetiniň dürli pudaklarynda amala aşyrylýan giň gerimli özgerişlikler, ýaşlaryň öndürijilikli işlemegi üçin ýurtda döredilýän şertler barada gürrüň berdi. Şeýle hem, ilçi Ahal welaýatynyň täze dolandyryş merkezi bolan Arkadag şäheriniň gurluşygy, ýurtda 26-njy martda geçiriljek türkmen parlamentine deputatlaryň saýlawlaryna taýýarlyk barada diňleýjilere gürrüň berdi.
Çäräniň çäginde Batyr Berdiýew Türkmenistanyň başlangyjy bilen geçirilen himiýa boýunça halkara internet olimpiadasynda iň gowy netijeleri görkezen talyplara sylaglary gowşurdy.
Türkmen diplomaty Ýewraziýa milli uniwersitetiniň rektory Ýerlan Sydykow bilen duşuşdy, taraplar "ýaşyl wodorod" öndürmek boýunça bilelikde ylmy barlaglary geçirmek, IT pudagy üçin hünärmenleri taýýarlamak meselelerini ara alyp maslahatlaşdylar.
ORIENT news
