Turkmenistan Berlinde halkara syýahatçylyk sergisine gatnaşýar
Turkmenistanyň «Pearl of Asia» syýahatçylyk kompaniýasy Berlinde geçirilýän “ITB Berlin” atly dünýäniň iň uly syýahatçylyk sergisine gatnaşýar.
Forumyň çäklerinde türkmen kompaniýasynyň wekilleri özbek kärdeşleri bilen ikitaraplaýyn hyzmatdaşlygy giňeltmek meselelerini ara alyp maslahatlaşdylar. «Pearl of Asia» dynç alyş we toparlaýyn syýahat üçin giňişleýin hyzmatlary, şeýle hem ýöriteleşdirilen indiwidual syýahat bukjalaryny hödürleýär.
Esaslandyrylandan soňky geçen döwür içinde ITB Berlin özüni dünýäniň dürli künjeklerinden syýahatçylyk önümlerini we hyzmatlaryny görkezýän öňdebaryjy syýahatçylyk merkezi hökmünde tanatmagy başardy. Onda syýahatçylyk pudagy tutuşlygyna – halkara syýahatçylyk federasiýalaryndan başlap, milli we sebit syýahatçylyk guramalary, syýahatçylyk operatorlary, myhmanhanalar, ätiýaçlandyryş kompaniýalary görkezilýär.
Sergi 9-njy marta çenli dowam eder.
ORIENT news
