Türkmenistanda Çiliniň täze ilçisi öz işine başlady

Mart 07, 2023 | 23:43 |11608

Çili Respublikasynyň täze ilçisi Rodrigo Enrike Arkos Kastro Türkmenistanyň Mejlisiniň Başlygy Gülşat Mämmedowa ynanç hatyny gowşurdy.

Mejlisiň Başlygy Prezident Serdar Berdimuhamedowyň adyndan diplomatyň bellenmegi bilen gutlady we işinde üstünlik arzuw etdi.

Söhbetdeşligiň dowamynda taraplar döwletara derejede we parlament gatnaşyklary boýunça, şeýle hem halkara guramalary arkaly özara gatnaşyklaryň mümkinçilikleri barada pikir alyşdylar.

Söwda-ykdysady gatnaşyklary ösdürmegiň geljegi, ylym we bilim, sport we syýahatçylyk pudagyndaky gatnaşyklar bellenip geçildi. Türkmenistanyň Mejlisiniň Başlygy we Çiliniň ilçisi iki ýurduň arasyndaky medeni dialogy işjeňleşdirmek barada belläp geçdiler.

ORIENT news