Türkmenistanyň sport atyjylyk hünärmenleri tälimçilik ygtyýarnamasyny almak üçin okuwlary geçdiler
Türkmenistanyň sport ussatlygynyň Ýokary mekdebiniň tälimçileri Armen Sarkisýan we Ýekaterina Arabowa Aziýa Konfederasiýasynyň sportuň atyjylyk görnüşleriniň tälimçilik şahadatnamalaryna eýe boldular.
Türkmen hünärmenleri El-Kuweýtde geçirilen halkara bilim seminarlarynyň birnäçesine gatnaşdylar. Şunuň ýaly sapaklaryň geçirilmegi tälimçilerde sportçylar bilen işleşende talap edilýän hünär başarnyklarynyň ösmegine ýardam edýär.
Şunuň bilen bir wagtda, Kuweýtde ýetginjekleriň arasynda okuw-türgenleşik ýygnanyşyklary geçirildi, oňa Türkmenistandan, Tailanddan, Ýaponiýadan, Bangladeşden, Gyrgyzystandan, Pakistandan, Yrakdan, Siriýadan, Butandan, Kuweýtden, Omandan, Maldiwlerden, Şri-Lankdadan, Ýemenden türgenler gatnaşdylar.
Bu OTÝ-da biziň ýurdumyza Türkmenistanyň sport ussatlygynyň Ýokary mekdebiniň türgeni on sekiz ýaşly Timur Arslanow wekilçilik etdi. Ýygnanyşyklar tamamlanandan soň türkmen türgeni halkara ýaryşyna gatnaşyp, dokuzynjy netijäni görkezdi.
ORIENT habarlar
