Saglygy goraýyş ministrligi we ÝUNISEF enäni we çagany öýe baryp görmek gullugy üçin goşundyny hödürleýärler
Türkmenistanyň Saglygy goraýyş we derman senagaty ministrligi we ÝUNISEF enäni we çagany öýde baryp görmek gullugynyň işiniň netijeliligini ýokarlandyrjak ýurtdaky ilkinji ykjam goşundyny hödürlediler - diýip, ÝUNISEF-iň metbugat gullugy habar berýär.
Iş ýüzünde bu lukmançylyk işgärleri tarapyndan öýe baryp görmek hyzmatlary indi öňüni alyş we maslahat beriş gurallaryny hem öz içine alar, bu bolsa enäniň we çaganyň saglyk ýagdaýynyň gowulanmagyna we iýmit babatyndaky netijeleriň gowulanmagyna ýardam eder, şeýle hem bozulmalaryň ir ýüze çykarylmagyna ýardam eder – diýlip, habarda aýdylýar.
Lukmançylyk işgärleriň planşet kompýuterinde oturdylan täze ölçegler we goşundylar arkaly eneler we çagalar ilkinji günden başlap iň gowy hyzmatlary alarlar.
28-nji fewraldan 3-nji marta çenli döwürde üç sany saýlanyp alnan lukmançylyk edarasynyň ähli saglyk işgärleri öýe baryp görmekde ulanylýan täze goşundynyň ulanylyşy boýunça okuw geçdiler. Okuwy ilkinjileriň hatarynda geçen bu topar ilkinji lukmançylyk-sanitar kömegi derejesinde tutuş ýurda ýaýradylmazdan öňürti ýakyn aýlarda goşundyny synag eder.
Enäni we çagany öýe baryp görmek gullugy – bu kiçi ýaşdaky çagalaryň ene-atasy bilen işiň bir görnüşidir, ol kömek we maslahat bermek maksady bilen, lukmanyň maşgalalara baryp görmegidir. Ol täze doglan çagalaryň hassalyklaryny irki döwürde ýüze çykarmakda we gaýra üzülmelerini bejermekde we ömrüni halas etmekde uly ähmiýete eýedir.
ORIENT habarlar
