Türkmenistanyň futbol we futzal boýunça çempionatlarynyň başlanýan senesi belli boldy
Mart 03, 2023 | 15:49 |6338
Futbol boýunça Türkmenistanyň çempionaty 2023-nji ýylyň 4-nji aprelinde başlanýar – diýip, ýurduň Futbol federasiýasynyň resmi saýty habar berýär.
Ýaryş dört tapgyrdan ybarat bolar. Ýaryşa sekiz klub gatnaşar. Ýurduň paýtagtyna üç klub - «Altyn asyr», «Köpetdag» we «Aşgabat» wekilçilik ederler. Balkan welaýatyna – «Şagadam» we «Balkan», Mary welaýatyna – «Merw» we «Energetik» , Ahal sebitine - «Ahal» wekilçilik eder. Ýurduň häzirki çempiony - «Ahal» toparydyr.
2023-nji möwsümiň futzal boýunça Türkmenistanyň Superligasy 12-nji martda başlanýar. Futzal superligasynyň ýaryşlary Aşgabadyň, Türkmenbaşynyň, Daşoguzyň we Marynyň çäklerinde geçer. Ýaryş üç tapgyrda geçiriler.
ORIENT news
