Wo Wan Thyong Wýetnamyň täze prezidentligine saýlandy
Kompartiýanyň merkezi komitetiniň syýasy býurosynyň agzasy Wo Wan Thyong Wýetnam Sosialistik Respublikasynyň täze prezidentligine saýlanyldy. Onuň üçin Milli ýygnagyň deputatlarynyň 488-den 487-i ses berdi, bu bolsa 98,38% deňdir. Bu barada Wýetnamyň maglumatlar agentligine salgylanyp, dünýäniň KHBS-i ýazýarlar.
Wýetnamyň prezidenti wezipesine saýlanmak bilen bir hatarda, Wo Wan Thyong milli goranmak we howpsuzlyk Geňeşiniň hem başlygy boldy. Ol wezipede 69 ýaşly, ýanwar aýynda wezipesinden boşan Nguen Suan Fukanyň ýerine geçdi.
Täze prezident 1970-ji ýylyň 13-nji dekabrynda Wýetnamyň Winlong welaýatynda doguldy. Dürli ýyllarda Wo Wan Thyong dürli ýolbaşçy wezipeleri eýeledi - Wýetnamyň kommunistik ýaşlar birleşiginde, ýerli partiýa guramalarynda we WKP-nyň merkezi apparatynda işledi, WKP MK-niň 11-nji, 12-nji we 13-nji çagyrylyşyna agza hökmünde saýlandy.
ORIENT habarlar
