Türkmenistanda 285 köp çagaly enelere "Ene mähri" hormatly ady dakylar
Halkara zenanlar gününiň öňüsyrasynda Türkmenistanda 285 köp çagaly enelere «Ene mähri» hormatly ady dakmaga we köp çagaly maşgalalara täze döwrebap öýleriň açaryny gowşurmaga bagyşlanan dabaraly çäreler geçiriler.
Bu baradaky karara Türkmenistanyň Prezidenti Serdar Berdimuhamedow 3-nji martda geçirilen Türkmenistanyň Ministrler Kabinetiniň mejlisinde gol çekdi.
Öýleriň açaryny gowşurmak dabaralary 7-nji martda Türkmenistanyň paýtagtynda we 8-nji martda – welaýatlarda bolup geçer. Hormatly atlaryň berilmegi 7-nji martda jemgyýetçilik guramalaryň Merkezinde bolup geçer. Şol gün dabaralaryň ähli agzalary Döwlet medeniýet merkeziniň Mukamlar köşgündaki baýramçylyk konsertine çagyrylarlar.
Prezident gowşurylmalaryň dabaraly ýagdaýda we ýokary derejede bolmalydygyny nygtady. Bu Türkmenistanyň raýatlarynyň ýaş neslini terbiýeläp ýetişdirmekde eneleriň gaýduwsyz zähmetine bildirilýän çuňňur hormatyň we ykrar etmegiň alamatydyr.
ORIENT habarlar
