China Daily: Hytaýyň JIÖ-niň artyşy dünýädäki internetden peýdalanyjylarda has köp gyzyklanma döredýär
China Daily web-saýty tarapyndan geçirilen onlaýn-pikir soraşma laýyklykda we 10 sany dünýä KHBS-ne laýyklykda Hytaýyň JIÖ-miň artyşy baradaky sorag bütin dünýäde internetden peýdalanyjylaryň aglabasy üçin has gyzykly boldy.
Respondentlere ýurduň öňde duran «iki sessiýasynyň» öň ýanynda olary Hytaý barada nämäniň has köp gyzyklandyrýandygy barada öz pikirini aýtmak teklip edildi.
Netijede respondentleriň 20,06% «Hytaýyň JIÖ-niň artyşy» soragyny saýladylar. Işewürlik we söwda meseleleri internetden peýdalanyjylaryň 16,66% gyzyklandyrýar, ylmy-tehniki innowasiýalar – 15,2%-ni gyzyklandyrýar.
Respondentleriň 13,70% öz seslerini daşky gurşawy goramaklyga berdiler, syýasata bolsa – 11,58% sesini berdi.
Pikir soralýanlaryň 51,02% Hytaýyň ösüşine ynamlydygyny beýan etdiler. Respondentleriň 12,97% Hytaý tarapyndan teklip edilen «Bir guşak, bir ýol» başlangyjynyň ýerine ýetirilişini synlajakdyklaryny beýan etdiler. Bu ýyl oňa 10 ýyl bolýar.
Hytaýa baryp görmek hem bütin dünýädäki interneti ulanyjylar üçin gyzyklydyr. Pikir soraşmanyň dowamynda respondentleriň 76,74% şu ýyl Hytaýa baryp görmekligi meýilleşdirýändiklerini beýan etdiler, şunda 46,87% muny dynç almak üçin etmekligi meýilleşdirýärler.
Jemi pikir soraşmanyň çäklerinde 8 290 adam öz jogaplaryny ugratdylar.
Iň ýokary kanun çykaryjy edara bolan halk wekilleriniň Umumyhytaý ýygnagynyň 14-nji çagyrylyşynyň mejlisiniň 5-nji martda başlanýandygyny, Umumyhytaý komitetiniň Halk syýasy konsultatiw ýygnagynyň 14-nji çagyrylyşynyň, iň ýokary syýasy konsultatiw edaranyň – 4-nji martda başlanýandygyny belläp geçmelidiris.
ORIENT habarlar
