Türkmenistanyň Medeniýet ministrligi 2023-2024-nji ýyllar üçin Russiýanyň ýokary okuw mekdeplerine dalaşgärleriň alynýandygyny yglan etdi
Türkmenistanyň Medeniýet ministrligi Russiýanyň ýokary okuw mekdeplerinde medeniýet we sungat ugry boýunça 2023-2024-nji okuw ýylynda okamak üçin dalaşgärleriň seçilip alynmagynyň başlanandygyny yglan etdi. Bu baradaky bildiriş 4-nji martda «Neýtralnyý Turkmenistan» gazetinde peýda boldy.
Saýlanyp almak üçin dalaşgärlige 35 ýaşdan uly bolmadyk we orta bilimi bolan Türkmenistanyň raýatlary gatnaşyp bilerler. Seçilip alynma bäseşik esasynda giriş synaglarynyň netijesi boýunça amala aşyrylýar.
Resminamalaryň kabul edişligi 2023-nji ýylyň 13-nji martyna çenli Türkmenistanyň Döwlet medenýet institutynda dowam edýär.
Gerekli resminamalaryň sanawynda aşakdakylar bardyr:
– Türkmenistanyň raýatlary üçin kesgitlenen ölçegdaki arza we anketa;
– Russiýa Federasiýasynyň ýokary okuw mekdeplerine okuwa ugradylýan daşary ýurt raýatynyň kesgitlenen ölçegdäki anketasy;
– orta bilim baradaky attestat (asyl nusgasy) we onuň rus diline terjime edilip, notariusda tassyklanan nusgasy;
– orta hünär bilimi baradaky diplom, goşundysy bilen bile (eger bar bolsa) (asyl nusgasy), onuň rus diline terjime edilen we notariusda tassyklanan nusgasy;
– lukmançylyk kepilnamasy we onuň rus diline terjime edilen we notariusda tassyklanan nusgasy;
– soňky okuw ýerinden ýa-da iş ýerinden häsiýetnama (harby bölümden);
– 3х4 ölçegdäki sekiz sany surat;
– işleýänler üçin zähmet depderçesiniň tassyklanan nusgasy.
Bulardan başga-da, kabul ediş komissiýasyna pasportyňy, harby biletiňi ýa-da şahadatnamaňy görkezmeli.
Ähli berlen resminamalaryň rus dilinde terjimesi bolmalydyr.
Giriş synaglary Aşgabat şäherindäki Türkmen Döwlet medeniýet institutynda şu salgyda geçirilýär: 10 ýyl Abadabçylyk köçesi, jaý 114.
ORIENT habarlar
