Awazada maýyplaryň arasynda woleýbol we golbol boýunça zenanlaryň arasynda Türkmenistanyň çempionaty geçirildi
“Awaza” syýahatçylyk zolagynda eşidiş maýyplygy bolan adamlaryň arasynda woleýbol boýunça we görüş maýyplygy bolanlaryň arasynda golbol boýunça zenanlaryň arasynda Türkmenistanyň çempionaty geçirildi.
Ýurduň maýyplarynyň Merkezi bedenterbiýe-sport kluby tarapyndan gurnalan çäre Türkmenistanyň ähli welaýatlaryndan we paýtagtyndan ýüze golaý türgen zenanlary ýygnady.
Balkanabatdan gelen topar woleýbol boýunça altyn medal gazandy. Ikinji orny Daşoguzdan gelen türgenler eýelediler. Liderleriň üçlügini Lebap welaýaty jemledi.
Golbol görnüşi boýunça final oýunda Balkan welaýatyndan gelen bäsdeşlerinden üstün çykyp, Aşgabadyň türgenleri ýeňiji boldy. Bürünç medaly Mary welaýatyndan gelen topar gazandy.
Ýurduň maýyplarynyň Merkezi bedenterbiýe-sport klubynyň wekili Azat Narbaýewiň ORIENT-e gürrüň bermegine görä, şuňa meňzeş çäreleriň geçirilmegi – saglyk mümkinçiligi çäklendirilen adamlar üçin sosial taýdan uýgunlaşmagyň we dikeldilmeginiň wajyp bölegidir. Sport maýyplara özüniň beden we ruhy ýagdaýyny gowulandyrmaga kömek edýär, özüňe baha bermäniň we özüňe ynamyň ýokarlanmagyna, gatnaşyk saklaýan adamlaryň sanyny köpeltmäge we gyzyklanýan zatlaryny artdyrmaga kömek edýär.
ORIENT habarlar
