Türkmenistanyň Halkara habarlar merkezi Russiýanyň teleýaýlymlary bilen gepleşikleri geçirýär
Penşenbe güni Türkmenistanyň Halkara habarlar merkezinde (HHM) HHM bilen DIM-niň wekilleriniň Russiýanyň teleýaýlymlarynyň wekilleri bilen birnäçe onlaýn duşuşygy geçirildi. Russiýa Federasiýasyna gepleşiklerde “Bolşaýa Aziýa”, «Russia Today Documentary» we “Moýa planeta” ýaly meşhur media platformalary wekilçilik etdi.
Gepleşikler maglumat pudagynda durnukly aragatnaşyk döretmäge, bilelikdäki metbugat taslamalarynyň formatlaryny gözlemäge, habar mazmunyny alyşmaga we şol günüň halkara maglumat kartasynyň emele gelmegine gatnaşmaga bagyşlandy.
Bu nukdaýnazardan, Russiýanyň teleýaýlymlarynda Türkmenistanyň durmuşy baradaky möhüm habarlary, onuň taryhy, medeniýeti, däp-dessurlary we ş.m. baradaky gepleşikleri görkezmek mümkinçilikleri ara alnyp maslahatlaşyldy. Şeýle hem, Russiýanyň teleýaýlymlarynda ýaýlyma bermek üçin Türkmenistanda dokumental filmleri surata düşürmek teklipleri orta atyldy.
Duşuşyklaryň barşynda “Bolşaýa Aziýa” teleýaýlymynyň (bigasia.ru) baş müdiri Aleksandr Lebedew we bu maglumat çeşmesiniň halkara taslamalarynyň prodýuseri Nikolaý Kuznesow bu mesele boýunça öz pikirleri bilen paýlaşdylar. “Russia Today” teleýaýlymyna dokumental ýaýlym müdirliginiň ýerine ýetiriji prodýuseri Konstantin Belýaýew wekilçilik etdi. Gije-gündiziň dowamynda syýahatlar baradaky gepleşikler ýaýlymynyň adyndan baş redaktor Nikolaý Tabaşnikow çykyş etdi.
Duşuşyklarda hyzmatdaşlygyň meseleleri, Türkmenistanyň we Russiýanyň maglumat çeşmeleri tarapyndan goýlan diňe hakyky wezipeler göz öňünde tutulyp, professional çemeleşmeler boýunça ara alnyp maslahatlaşyldy.
ORIENT news
