Ýetginjek türkmen tennisçileri Ysraýyldaky halkara ýaryşynda çykyş ederler
Türkmen tennisçileriniň topary 12 ýaş we ondan kiçi çagalar üçin (International Team U12 & Individual Event) 5-nji martdan 12-nji marta çenli boljak halkara ýaryşyna gatnaşmak üçin Ysraýyla ugrarlar. Bu barada ORIENT-e Türkmenistanyň Tennis federasiýasynda habar berdiler.
Haýfa şäherinde geçiriljek ýaryşlarda Türkmenistana Emirhan Rustamow, Suleýman Hudaýberdiýew, Nazargeldi Amangeldiýew, Muhammetsapa Serdarow, Sülgün Işangulyýewa, Aýlara Kakabaýewa, Näzli Hudaýgulyýewa we Anna Ponýatowa wekilçilik ederler.
Olar 13-14-nji fewralda geçirilen milli saýlama ýaryşynda ýokary netijeleri görkezdiler.
Ozal Türkmenistanyň tennis boýunça ýygyndysynyň wekilleri 14 ýaşa çenli ýetginjekleriň arasynda Aziýa we Okeaniýa sebitiniň Şri-Lankada geçirilen dünýä Çempionatynda - 2023 World Junior Tennis Competition bürünç medallary gazandylar.
ORIENT news
