Türkmen dzýudoçylary Daşkentde «Uly tuwalganyň» ýaryşynda çykyş ederler
Dzýudo boýunça Türkmenistanyň ýygyndysy 3-5-nji martda Daşkentde (Özbegistan) boljak «Uly tuwalganyň» ýaryşyna gatnaşar.
Bu çempionatda Türkmenistana 14 sportçy wekilçilik eder. Erkekleriň arasynda türkmen ýygyndysynyň düzümini Aýbek Omirow, Hakberdi Jumaýew (60 kg agram derejede), Serdar Rahymow, Hekim Agamämedow (66 kg çenli), Parahat Nazarow, Begenç Soltanow (72 kg çenli), Şatlyk Seýitmyradow (81 kg çenli), Mämedaly Açyldyýew (90 kg çenli), Baýmyrat Majanow (100 kg çenli) düzdüler.
Zenanlar toparyna: Aksoltan Hojageldiýewa, Kurbanaý Kurbanowa (48 kg çenli), Saýara Rozyýewa (52 kg çenli), Maýsa Pardaýewa (57 kg çenli) we Zulhumar Daşkinowa (63 kg çenli) wekilçilik ederler.
Türkmen dzýudoçylary birinjilikde tälimçi Gahryman Amandurdyýewiň we Tatýana Widýasowanyň ýolbaşçylygynda çykyş ederler.
Daşkentdäki «Uly tuwalganyň» ýaryşy 49 ýurtdan 300-den gowrak türgeni ýygnar, olar Parižde 2024-de boljak Olimpiýa oýunlaryna barýan ýolda medallar we reýting oçkolary ugrunda göreşerler.
Ýaryş tamamlanandan soňra türkmen dzýudoçylaryna Daşkentde okuw-türgenleşik ýygnanyşyklary garaşýar, ol onunjy marta çenli dowam eder.
ORIENT habarlar
