Türkmenistanyň döwlet edaralary Interpol bilen hyzmatdaşlygy pugtalandyrmagy ara alyp maslahatlaşdylar

Mart 02, 2023 | 16:24 |9353

Türkmenistanyň döwlet edaralarynyň wekilleri Interpol bilen hyzmatdaşlygyň çäklerinde transmilli jenaýatçylyga garşy göreşmegiň meselelerini ara alyp maslahatlaşdylar – diýip, Türkmenistanyň Döwlet migrasiýa gullugynyň saýty habar berýär.

Merkezi Aziýada araçäkleri dolandyrmaga ýardam etmek boýunça Maksatnamanyň (БОМКА) başlangyjy bilen geçirilen seminaryň barşynda Interpol bilen bilelikdäki çäreleri geçirmegiň we ýakyn aragatnaşygy ýola goýmagyň meselelerine degilip geçildi.

Şeýle hem 2-nji marta çenli dowam etjek maslahatyň gün tertibine bu ugurda halkara tejribesini alyşmak, howpsuzlyk babatdaky hukuk, amallar we tehniki çözgütler ýaly meseleler giriziler.

ORIENT habarlar