Aşgabatda 8-nji marta bagyşlanyp kitap ýarmarkasy geçiriler
4-nji martda Gülzemin söwda-dynç alyş merkezinde ýetip gelýän Halkara zenanlar gününe bagyşlanan kitap ýarmarkasy geçiriler.
Çäre Türkmenistanyň Telewideniýe, radiogepleşikler we kinomatografiýa baradaky döwlet komitetiniň «Mahabat» müdirligi tarapyndan Bazar Amanow adyndaky Döwlet çagalar kitaphanasy hem-de Türkmenistanyň Kärdeşler arkalaşygynyň Milli merkezi bilen bilelikde gurnalar.
Ýarmarkada dürli ýaşdaky çagalara niýetlenen kitaplary, şol sanda «Mahabat» müdirligi tarapyndan çykarylan neşirleri satyn alyp bolýar.
Bu ýere gelýän ýaş nesli öz çykyşlary bilen Döwlet sirkiniň artistleri, Türkmenistanyň Döwlet gurjak teatrynyň artistleri begendirerler. Çäräniň esasy myhmany çagalar tarapyndan gowy görülýän Aşyr däde bolar. Ýarmarka sagat 17:00-dan 19:00 çenli dowam eder.
ORIENT habarlar
