Moskwada serhetleriň howpsuzlygyny üpjün etmek üçin GDA-nyň maglumat syýasatynyň döredilmegini ara alyp maslahatlaşarlar
28-nji martda Moskwada serhetleriň howpsuzlygyny üpjün etmek babatda GDA-nyň maglumat syýasatyny döremek boýunça halkara ylmy-amaly maslahat geçiriler – diýip, GDA-nyň Ýerine ýetiriji komtetiniň maglumat gullugy habar berýär.
Çäre GDA agza döwletleriň 2021-2025-nji ýllar üçin daşarky araçäklerde serhetleriň howpsuzlygyny pugtalandyrmak boýunça hyzmatdaşlyk Maksatnamasyny ýerine ýetirmegiň çäklerinde guralar. Oňa serhet edaralarynyň wekilleri, Arkalaşygyň agza ýurtlarynyň ylmy-barlag we okuw jaýlarynyň wekilleri, şeýle hem dürli halkara guramalaryň wekilleri gatnaşarlar.
Olar serhetleriň howpsuzlygyny üpjün etmekde Arkalaşykda maglumat syýasatyny ýerine eýtirmegiň ylmy we amaly tejribesine esaslanýan tejribä esaslanýan çemeleşmeleriň işlenip düzülmegini ara alyp maslahatlaşarlar.
Plenar mejlisden başga forum öz işini dürli bölümlerde we tegelek stoluň başyndaky ara alyp maslahatlaşmalarda dowam etdirer. Duşuşygyň meýdançasynda gatnaşyjylar şeýle hem GDA agza döwletleriň serhet edaralarynyň işjeňligi baradaky fotoekspozisiýa we wideo filmleriň birnäçesi bilen tanyş bolarlar.
ORIENT habarlar
