Serdar Berdimuhamedow: ösüp barýan ýurtlara kömek, BSGG-na goldaw we täze kararnama barada
Dünýä ykdysadyýetiniň gaýtadan dikeldilmegi ösüp barýan ýurtlara zyýan bermeli däldir we olaryň hasabyna bolup geçmeli däldir – diýip, Türkmenistanyň Prezidenti Serdar Bedimuhamedow COVID-19 garşy göreş boýunça Aragatnaşyk toparynyň Goşulyşmazlyk hereketiniň Sammitinda çykyş etmek bilen aýtdy – diýip, Türkmen döwlet habarlar agentligi habar berýär. Öz çykyşynda döwlet baştutany ösüp barýan ýurtlaryň meselelerine aýratyn üns berdi. Prezident has gowşak ýurtlar üçin lukmançylyk serişdeleriniň we lukmançylyk enjamlarynyň üznüksiz eltilip berilmegi üçin adalatly logistikanyň ýola goýulmagy baradaky başlangyç bilen çykyş etdi.
Şeýle hem ol Goşulyşmazlyk hereketiniň ýurtlaryny ösüp barýan ýurtlaryň azyk serişdelerine adamyň aýrylmaz hukugyna bolan kepil hökmünde doly iýmitlenmegine bolan elýeterlilik meselelerine seretmeklige çagyrdy.
Türkmenistan Bütindünýä saglygy goraýyş guramasynyň hünär ukybyna we başarnygyna şübhelenmeýär we Goşulyşmazlyk hereketini bu gurluşa syýasy we ruhy goldaw bermäge çagyrýar – diýlip, Serdar Berdimuhamedowyň çykyşynda aýdylýar.
Mundan başga-da, ösüp barýan döwletleriň ykdysadyýetiniň sazlaşykly ösmegi üçin Prezident Tükmenistanyň BMG-niň Baş Assambleýasynyň «Deňze çygalgasy bolmadyk ösüp barýan ýurtlaryň bütindünýä ulag hyzmatdaşlygyny ösdürmekdäki we pugtalandyrmakda ornuny ýokarlandyrmak» Kararnamasyny işläp düzmeklige girişmäge taýýardygy barada aýtdy. Bu resminama birnäçe sebitleriň meseleleriniň wajypdygyny görkezer.
Şunuň bilen baglylykda, Aşgabat Goşulyşmazlyk hereketine gatnaşýan döwletleriň goldawyna bil baglaýar we taraplaryň ählisinden bu barada konstruktiw tekliplere we maslahatlara garaşýar.
ORIENT habarlar
