Goşulmazlyk hereketinde hyzmatdaşlygyň anyk gün tertibi bar - Türkmenistanyň Prezidenti
Goşulmazlyk hereketinde hyzmatdaşlygyň anyk gün tertibi bar – diýip, Türkmenistanyň Prezidenti Serdar Berdimuhamedow Goşulmazlyk Hereketiniň COVID-19 bilen göreşmek boýunça Aragatnaşyk toparynyň sammitinde eden çykyşynda aýtdy.
Hereketiň agza döwletleriniň arasynda saglygy goraýyş pudagynda hyzmatdaşlygyň ähmiýetine ünsi çeken Berdimuhamedow, gatnaşyjylara epidemiýa garşy göreşmekde umumy bilim binýadyny we usulyýetlerini döretmegi teklip etdi.
«Biz BMG-nyň beýleki ynsanperwer guramalary bilen ýakyn aragatnaşyk saklamalydyrys. Biz öz ykdysady gün tertibimizi öňe sürmelidiris» – diýip, Berdimuhamedow sammitde aýtdy.
Penşenbe güni, Bakuwda Goşulmazlyk Hereketiniň COVID-19 bilen göreşmek boýunça Aragatnaşyk toparynyň sammiti geçirildi. Oňa 70-e golaý ýurduň wekilleri, şol sanda Azerbaýjanyň, Türkmenistanyň, Özbegistanyň, Bosniýanyň we Gersegowinanyň, Yragyň we Liwiýanyň prezidentleri; Kubanyň, Gabonyň we Tanzaniýanyň wise-prezidentleri; Alžiriň we Keniýanyň premýer-ministrleri, beýleki ýurtlaryň ýokary derejeli wekilleri gatnaşdylar.
ORIENT news
