Türkmenistan we Eýran bilelikdäki serhet gözegçiligini ýola goýmak meselelerini ara alyp maslahatlaşýarlar
Türkmenistanyň Döwlet gümrük gullugynyň baştutany Maksat Hudaýgulyýew özüniň eýran kärdeşi Razwani-Far bilen bilelikdäki serhet gözegçiligini ýola goýmak meselelerini ara alyp maslahatlaşdy – diýip, Mehr news habar berýär.
Gepleşikleriň geçen iki tapgyrynyň barşynda taraplar dört serhet nokadynda söwdany ösdürmekligi, söwda päsgelçilikleriniň aýrylmagyny we serhetýaka bazarlaryň giňeldilmegini ara alyp maslahatlaşdylar. Bu tema boýunça resmi taraplaryň arasynda gepleşikler dowam edýär.
Duşuşuklaryň netijeleri boýunça tejribe alyşmak, iki ýurduň gümrük gulluklarynyň arasynda kadaly we bilelikdäki duşuşyklary geçirmek barada ähtnamanyň taslamasyny düzmek meýilleşdirilýär.
Bilelikdäki serhet gözegçiligi araçäkleşýän döwletlere haryt dolanyşygynyň ösdürilmegine ýardam edip, ýükleriň we ýolagçylaryň has netijeli we tiz geçirilmegini üpjün etmäge mümkinçilik berýär.
ORIENT habarlar
