Halkara lukmançylyk-arassaçylyk düzgünlerine düzedişler giriziler
2005-nji ýylyň Halkara lukmançylyk-arassaçylyk düzgünleri täzelener diýip, Bütindünýä saglygy goraýyş guramasynyň saýty habar berýär.
Degişli Iş topary teklip edilen 307 düzedişi ara alyp maslahatlaşmaga we öwrenmäge girişdi. Üýtgetmeler COVID-19 pandemiýasynyň dowamynda ýüze çykan meseleleri göz öňünde tutup işlenip düzüldi.
Iş toparynyň bilelikdäki başlygy doktor Eşli Blumfildiň sözlerine görä, düzedişleri girizmegiň çäklerinde döwletleri gyzyklandyrýan esasy mesele ýurtlaryň we halkara jemgyýetçiliginiň geljekdäki adatdan daşary ýagdaýlara taýýarlygyny netijeli üpjün etmekdir.
«COVID-19 pandemiýasy halkara lukmançylyk-arassaçylyk düzgünleriniň netijeli we täsirli netijesiniň boljakdygyny görkezdi we hereket edýän düzgünleriň birnäçe ýagdaýlarynyň kämilleşdirilmegini talap edýändigini üstüni açdy» - diýip, d-r Blumfild beýan etdi we ýurtlaryň bilelikdäki işiniň we hyzmatdaşlygynyň möhümdigini belledi.
Düzgünleriň täzelenmegi keselleriň köpelmegini irki döwürde has netijeli ýüze çykarylmaga ýardam eder we olaryň halkara gerimindäki jemgyýetçilik saglygy goraýyşy babatynda adatdan daşary ýagdaýlara geçmeginiň öňüni almaga goldaw berer.
ORIENT habarlar
