Aşgabatdaky türkmen-rus mekdebine Russiýadan 8 müň täze okuw kitap getirildi
Roshyzmatdaşlyk federal ölçeglere gabat gelýän 8 müňden gowrak okuw kitabyny Aşgabatdaky A.S. Puşkin adyndaky bilelikdäki türkmen-rus umumybilim berýän mekdebine muzdsuz esasda berdi – diýip, TASS habar berýär.
«Roshyzmatdaşlyk bu maksatnamanyň operatorydyr we ol bu maksatnamanyň hereket edýän ähli ýurtlaryna okuw-gollanmalary we bilim edebiýaty bilen üpjün edýär. Puşkin adyndaky mekdep üçin biz federal döwlet bilim ölçegine gabat gelýän okuw kitaplaryny getirdik, biz 8 müňden gowrak kitaby mekdebe berdik» - diýip, Roshyzmatdaşlygyň Türkmenistandaky wekili Ýuliýa Zaýsewa gürrüň berdi.
Mekdebiň eýýäm täze okuw kitaplary üçin ýüz tutma tabşyrandygy bellenip geçildi, ol kitaplar şu ýylyň ahyryna çenli gelmeli.
Okuw kitaplaryny kabul edenden soňra, mekdep könelen okuw gollanmalarynyň derňewini geçirer.
ORIENT habarlar
