Türkmenistan BMG-niň adam hukuklary boýunça Komiteti bilen dialoga taýýarlyk görýär
Türkmenistanyň wekiliýetini BMG-niň adam hukuklary baradaky Komiteti bilen Konstruktiw dialoga taýýarlamagyň çäklerinde BMGÖM we BMG-niň Adam hukuklary boýunça ýokary komissarynyň müdirliginiň Merkezi Aziýa boýunça Sebitleýin bölümi usulyýet seminaryny geçirdiler – diýlip, BMGÖM-nyň metbugat üçin maglumatynda habar berilýär.
BMG-niň Adam hukuklary baradaky komitetiniň öňki agzasy Gentian Ziberi Türkmenistanyň hökümet wekiliýetiniň agzalary bilen tehniki maslahatlaşmalaryň geçirilmegine ýardam etdi.
Konstruktiw dialogyň barşynda Türkmenistan BMG-niň Adam hukuklary baradaky komiteti tarapyndan 2017-nji ýylda geçirilen ara alyp maslahatlaşmalaryň netijesi boýunça jemleýji maslahatlaryň ýerine ýetirilişi baradaky maglumaty, Raýat we syýasy hukuklar baradaky halkara şertnamanyň ýerine ýetirilişi baradaky maglumaty hödürlär.
BMG-niň Adam hukuklary boýunça komiteti garaşsyz bilermenleriň edarasy bolup, olar agza-döwletleriň Raýat we syýasy hukuklar baradaky halkara şertnama boýunça borçnamalaryň ýerine ýetirilişine gözegçilik edýärler.
ORIENT habarlar
