Türkmenistanyň parlamentiniň saýlawlaryna GDA-dan gelen synçylaryň ştaby 8-nji martda açylýar
8-nji martda Türkmenistanda Garaşsyz Döwletleriň Arkalaşygyndan türkmen parlamentiniň deputatlarynyň saýlawlarynda işlejek synçylaryň ştaby açylýar - diýip, GDA-nyň baş sekretary Sergeý Lebedew habar berdi. Bu hakda guramanyň ýerine ýetiriji komitetiniň saýty habar berýär.
«Türkmenistanda parlament saýlawlary 26-njy martda bolar. 8-nji martda biz Aşgabatda syn edişe gatnaşýan wekilleriň ştabyny açýarys»- diýip, Lebedew aýtdy.
Ol soňky 20 ýylda GDA-nyň synçylarynyň missiýalarynyň Arkalaşygyň ýurtlarynda prezident we parlament saýlawlarynyň, şeýle hem sala salşyklaryň 119-nyň monitoringini geçirendigini sözüniň üstüne goşdy.
Sişenbe güni, 28-nji fewralda Türkmenistanda parlamentiň deputatlygyna dalaşgärleriň etrap, şäher we welaýat ýerli wekilçilikli edaralaryna we ýerli özüňi dolandyryş edaralaryna hasaba alynmagy tamamlandy . Olarda 14 müň 872 dalaşgär hasaba alyndy.
ORIENT habarlar
