Duşanbede Merkezi Aziýanyň döwlet baştutanlarynyň bäşinji duşuşygy geçiriler
Merkezi Aziýanyň döwlet Baştutanlarynyň 5-nji konsultatiw duşuşygy 14-16-njy sentýabr aralygynda Duşanbe şäherinde geçiriler. Şol günler Täjigistanyň paýtagtynda Araly halas etmegiň halkara gaznasyny esaslandyryjy döwletleriň Baştutanlarynyň Geňeşiniň mejlisi geçiriler – diýip, Täjigistan Respublikasynyň Energetika we suw baýlyklary ministrligi habar berýär.
Merkezi Aziýa döwletleriniň Baştutanlarynyň IV duşuşygynyň geçen ýylyň iýun aýynda Gyrgyzystanyň Çolpon-Ata şäherinde geçirilendigini ýatladýarys. Mejlisiň dowamynda duşuşyga gatnaşyjylar sebit hyzmatdaşlygy, şeýle hem ýurtlaryň arasyndaky söwda-ykdysady, medeni-gumanitar hyzmatdaşlyk meselelerini ara alyp maslahatlaşdylar.
Merkezi Aziýanyň döwlet Baştutanlarynyň ilkinji konsultatiw duşuşygy 2018-nji ýylyň mart aýynda Astanada, ikinjisi - 2019-njy ýylyň noýabr aýynda Özbegistanyň paýtagty Daşkentde geçirildi. 2021-nji ýylyň awgust aýynda Türkmenistanda, has takygy “Awaza” Milli syýahatçylyk zolagynda Merkezi Aziýanyň döwlet Baştutanlarynyň 3-nji konsultatiw duşuşygy geçirilip, onda MA döwlet Baştutanlarynyň konsultatiw duşuşyklarynyň ýeke-täk nyşany kabul edildi.
ORIENT news
