Türkmen dzýudoçylary Polşada geçirilýän Ýewropanyň açyk çempionatynda çykyş ederler
Türkmen dzýudoçylary 25-26-njy fewralda Warşawada (Polşada) geçirilýän Ýewropanyň -2023 açyk çempionatynda çykyş ederler.
Çempionatda Türkmenistana 13 türgen wekilçiik eder. Türkmen ýygyndysynyň düzümini erkekleriň arasynda Aýbek Omirow, Hakberdy Jumaýew (agram derejesi – 60 kg), Serdar Rahymow, Hekim Agamämmedow (66 kg çenli), Parahat Nazarow, Begenç Soltanow (72 kg çenli), Şatlyk Seýitmyradow (81 kg çenli), Mämmedaly Açyldyýew (90 kg çenli), Baýmyrat Majanow (100 kg çenli) düzdüler.
Zenanlar ýygyndysynyň düzümine Aksoltan Hojageldiýewa, Kurbanaý Kurbanowa (48 kg çenli), Maýsa Pardaýewa (57 kg çenli) we Zulhumar Daşkinowa (63 kg çenli) girdiler.
Türkmen dzýudoçylary birinjilikde türgenler Gahryman Amandurdyýewiň we Tatýana Widýasowanyň ýolbaşçylygynda çykyş ederler.
Dzýudo boýunça Ýewropa -2023 açyk çempionatyna 45 ýurtdan 488 türgen gatnaşar (286 erkek we 202 aýal-gyz).
ORIENT habarlar
