Türkmen hünärmenleri bikanun migrasiýa garşy göreşmegiň öňdebaryjy tejribesi bilen tanyşdylar
Türkmenistanyň döwlet gurluşlarynyň wekilleri bikanun migrasiýa boýunça onlaýn-okuwa gatnaşdylar – diýip, Türkmenistanyň Döwlet migrasiýa gullugynyň saýty habar berýär.
Gatnaşyjylar serhetüsti jenaýatçlyk meselelerini maslahatlaşdylar, bu ugurda edaralaryň arasyndaky özara hyzmatdaşlygyň möhümdigini belläp, serhetýaka geçiş nokatlaryndaky gözegçiligiň aýratynlyklaryna garadylar.
Çäre Merkezi Aziýada serhetleriň dolandyrylyşyna ýardam etmek Maksatnamasy (BOMKA 10) «Serhetýaka edaralaryň institusional ösüşi» 1-nji Düzüm böleginiň ýerine ýetirilmeginiň çäklerinde guraldy, ol Merkezi Aziýa ýurtlaryndaky serhet gözegçiligi edaralarynyň institusional mümkinçiligini pugtalandyrmaga gönükdirilendir.
Seminar şeýle hem sebitiň ugurdaş edaralarynyň arasynda elektron görnüşde okatmagyň hereket ediş meýilnamasyna we 2022-2023-nji ýyllar üçin türgenleri alyşmaga goldaw bermeklige laýyklykda sebitleýin hyzmatdaşlygy giňeltmegiň mysaly bolup durýar. Resminama 2022-nji ýylyň martynda Merkezi Aziýanyň okuw mekdepleriniň Konsorsiumy tarapyndan kabul edilipdi.
ORIENT habarlar
