Aşgabatda oglanlaryň we gyzlaryň arasynda küşt boýunça Türkmenistanyň çempionaty başlanýar
Fewral 19, 2023 | 01:07 |17608
20-nji fewralda Aşgabatda 18 ýaşa çenli oglan-gyzlaryň arasynda küşt boýunça Türkmenistanyň çempionaty başlanýar.
Ýaryş Türkmenistanyň Döwlet bedenterbiýe we sport komiteti tarapyndan ýurduň Küşt federasiýasy bilen bilelikde gurnaldy.
Aşgabat şäheriniň ýöriteleşdirilen küşt we şaşka mekdebi paýtagtdan we bäş welaýatdan üç ýüzden gowrak küştçini bir ýere ýygnar.
Küşt “söweşleri” Halkara küşt federasiýasynyň düzgünlerine laýyklykda, şweýsariýa ulgamy boýunça dokuz tapgyrda geçiriler.
Ýaryş 24-nji fewrala çenli dowam eder. Iň oňat netijeleri görkezen küştçilere medallar we ýaryşy gurnaýjylardan ýadygärlik sowgatlar gowşurylar.
ORIENT news
