Türkmenistanyň tennis boýunça ýetginjekler ýygyndysy Kolombodaky ýaryşyň ýarym finalyna çykdy
Türkmenistanyň tennis boýunça ýetginjekler ýygyndysy 14 ýaşa çenli ýetginjekleriň dünýä çempionatynda (World Junior Tennis Competition 2023) play-off tapgyrynda Nepalyň toparyny ýeňdi (3:0).
Selim Çagylow Nepaldan bolan bäsdeşinden 7:5, 6:0 hasabynda ýeňiş gazandy. Imran Ahundow ýene bir nepally tennisçini kynçylyksyz ýeňdi (6:1, 6:0). Jübütlikde türkmen ikiligi Bridjeş Arýaldan we Darşil Şrestden üstün çykdy – 6:1, 6:2.
Birinjiligiň ýarym finalynda türkmen tennisçilerine Singapurdan bolan topar bilen duşuşyk garaşýar.
Türkmenistanyň zenanlar ýygyndysy o diýen şowly çekeş etmedi. Ilima Guseýnowa we Natalýa Martynowa 2:1 umumy hasap bilen Malaýziýadan gelen bäsdeşlerinden ýeňildiler.
Indiki ýaryşy türkmen tennisçi gyzlary Indoneziýanyň garşysyna ýaryşyň üçünji orny üçin bäsleşerler.
Ýatldýarys,14 ýaşa çenli ýetginjekleriň arasynda geçirilýän Aziýa we Okeaniýa sebitiniň dünýä Çempionaty 15 ýurtdan – Türkmenistandan, Bangladeşden, Şri-Lankadan, Indoneziýadan, Singapurdan, Malaýziýadan, Nepaldan, Kambodžadan, Mongoliýadan, Ýemenden, Gyrgyzystandan, Liwandan, Makaodan, Saud Arabystanyndan we Ýuwaş Ummanyň birleşen toparynyň tennis sportunyň wekillerini ýygnady.
ORIENT haarlar
