Türkmenistan we Niderlandlar ÝB-niň çäklerinde täze meýdançalarda hyzmatdaşlygy maslahatlaşdylar
Işewürlik we söwda babatynda Işewürler Geňeşiniň we Iş toparynyň döredilmegi, umuman, Türkmenistan bilen ÝB-niň, hususan-da, Niderlandlaryň arasynda haryt dolanyşygynyň ösmegine ýardam eder.
Bu barada Türkmenistanyň DIM-niň baştutanynyň orunbasary Wepa Hajyýew Niderlandlaryň täze ilçisi Andre Karstens bilen duşuşygynyň barşynda aýtdy – diýip, türkmen daşary syýasat edarasynyň saýty habar berýär.
Iki döwletiň daşary işler ministrlikleriniň arasyndaky gatnaşyklaryň ýygylaşmagyna we kadaly syýasy maslahatlaryň ýola goýulmagyna aýratyn üns berildi.
Taraplar Ýewropa Birleşigiň ugry boýunça hyzmatdaşlygy, şeýle hem «ÝB-Merkezi Aziýa» formatynyň çägindäki hyzmatdaşlygy ara alyp maslahatlaşdylar we söwda-ykdysady hyzmatdaşlyga goldaw berilmeginiň möhümdigini nygtadylar.
Täze ilçiniň rezidensiýasy Astanada ýerleşýär.
ORIENT habarlar
