ТМСell goşundysynyň kömegi bilen öýjükli telefonyň hasabyny tiz dolduryp bolýar
Öýjükli aragatnaşyk operatory ТМСell-iň abonentleri üçin internetiň üsti bilen ýörite ykjam goşundynyň kömegi bilen hasaby doldurmak hyzmaty hereket edýär.
Balansy doldurmak üçin ulanyja birnäçe ädimleri ýerine ýetirmek ýeterlikdir:
– telefona ТМСell TÖLEG goşundysyny ýüklemeli,
– bank kartyny baradaky gerekli maglumatlary ýazyp, bank kartyny programma baglamaly,
– balansy doldurmaly.
Karta baradaky maglumatlar diňe abonentiň telefonynda saklanýar.
Programmanyň üsti bilen tölegler üçin goşmaça tutum alynmaýar, bir amalyň möçberi 1 manatdan 500 manada çenli bolup bilýär.
«Gurluşlar» bölüminde programmanyň dilini iňlis ýa-da rus diline üýtgedip bolýar, şeýle hem gizlinlik maksadynda oňa parol goýup şifrläp bolýar.
Hyzmaty ulanmagyň tertibi barada has jikme-jik maglumat bilen operatoryň saýtynda tanşyp bolýar.
ORIENT habarlar
