Türkmen pälwanlary Bakuda geçirilen ýaryşlarda 11 medal gazandylar
Türkmenistanly sportuň erkin göreş boýunça ussatlary 11-12-nji fewralda Bakuda A.Azizowyň ýagty ýadygärligine bagyşlanyp geçirilen göreş boýunça açyk halkara ýaryşynda 11 medala mynasyp boldular.
Bu ýaryş Azerbaýjanyň göreş federasiýasy bilen bilelikde Birleşen göreş dünýäsi tarapyndan gurnaldy.
Türkmenistanyň erkin göreş boýunça wekilleri Ýusup Meretjäýewiň ýolbaşçylygynda üç altyn, iki kümüş we alty sany bürünç medal gazandylar.
Ýurdumyzyň altyn medallar gaznasyna 61 kilograma çenli agram derejesinde Nuryagdy Baýramdurdyýew, 74 kilograma çenli agramda Jumadurdy Jumaýew, 79 kilograma çenli agram derejesinde Azymberdi Saparow dagylara şahsy goşantlaryny goşmak başartdy.
45 kilograma çenli agram derejesinde Azymberdi Aşyrgulyýew, 61 kilograma çenli agram derejesinde Jelaleddin Seýidow üstünlikli çykyş edip, kümüş medallaryň eýesi boldular.
Alty sany bürünç baýraga 51 kilograma çenli agram derejesinde Azatberdi Aşyrgulyýew, Amir Hamaýun we Ismail Muhammedow (ikisi hem 57 kilograma çenli), Alp Arslan Begenjow (71 kg çenli), Dawut Hallyýew (74 kg çenli), Parahat Ataýew (79 kg çenli) dagylar mynasyp boldular.
Häzirki wagtda türkmenistanly grek-rim we erkin göreş ussatlary ýakyn wagtda geçiriljek halkara ýaryşlaryna taýýarlyk hşkmünde Bakuda 28-nji fewrala çenli dowam etjek okuw türgenleşiklerini geçirýärler.
Artur PETROSYANS
