Ärdogan Türkiýä kömek eden ähli ýurtlara minnetdarlyk bildirdi
Türkiýäniň prezidenti Rejep Taýyp Ärdogan güýçli ýer titremelerinden ejir çeken ýurduna kömek eden ähli ýurtlara minnetdarlyk bildirdi – diýip, Anadolu agentligi habar berýär.
«Türkiýe kyn wagtda uzadylan kömek elini hiç mahal ýatdan çykarmaz» – diýip, Ärdogan BAE-niň başlangyjy bilen gurnalan Bütindünýä hökümet sammitiniň gatnaşyjylaryna eden wideoşekilli ýüzlenmesinde beýan etdi.
Türkiýäniň öz taryhynda uly tebigy betbagtçylyklaryň birine duçar bolandygyny beýan edip, döwlet baştutany halkyň goldawy bilen ýurduň gysga wagtyň içinde betbagtçylygyň netijelerini aradan aýryp biljekdigine ynam bildirdi.
«Döwletleriň bir bölegi biziň ýurdumyza halas edijileri ugratdy, başga bir bölegi – raýdaşlyk bildirip, kömek ýygnamak kampaniýalaryny gurady. Käbir döwletler Ankaranyň adyna goldaw beýanaty bilen çykyş etdiler. Bu betbagtçylyk ýene-de bir gezek halkara raýdaşlygynyň ähmiýetini subut etdi» – diýip, türk lideri aýtdy.
Häzirki wagtda Türkmenistan Türkiýä betbagtçylykly ýer titremeler bilen baglanyşykly iki gezek ynsanperwerlik kömegini ugratdy ynsanperwerlik kömegi. Betbagtçylyk zolagynda şeýle hem türkmen lukmanlary we şepagat doganlary ejir çekenlere kömek berip işleýärler. Şeýle hem Aşgabatda türk halkyna aksiýa ynsanperwerlik kömegini ýygnamak boýunça çäre geçirildi.
ORIENT habarlar
