Dubaýda uzynlygy 93 km deň bolan sowadyjyly pyýada ýolagçy ýoluny gurmakçy bolýarlar
Uzynlygy 93 km deň bolan, ýokary tehnologiýaly sowadyjyly welosiped-pyýada ýoluny Dubaýda gurmagy meýilleşdirýärler – diýip, «Wokrug sweta» onlaýn-žurnaly ýazýar.
Taslama The loop (halka) diýlip atlandyrylýar. Ol tigirde we pyýada hereket etmek üçin infrastrukturany gowulandyrmak maksady bilen, olaryň şäherde hereket etmegiň esasy usulyna öwrüler ýaly işlenip düzülendir.
Ol ylgamak we tigirde hereket etmek infrastrukturasyndan başga-da, «halkany» ýaşyl seýilgähler we dürli agaçly we ösümlikli baglar, sport meýdançalary, şeýle hem azyk önümleri ýetişdiriljek «şäher seýilbaglary» bilen gurşalar.
Işläp düzüjiler 2040-njy ýyla çenli Dubaýyň ilatynyň 80%-den gowragynyň işe ýa pyýada ýa-da tigirleriň kömegi bilen barmagyny meýilleşdirmek isleýärler. Häzirki wagtda esasy hereket ediş serişdesi awtoulaglardyr.
ORIENT habarlar
