Türkmenistan we Owganystan Geratdan mermeriň iberilmeginiň artdyrylmagyny ara alyp maslahatlaşdylar
Owganystanyň Gerat şäherindäki Türkmenistanyň baş konsullygynyň wekilleri ýerli häkimiýetler bilen Owganystandan Türkmenistana mermeriň üpjün edilişini artdyrmagyň meselelerini ara alyp maslahatlaşdylar – diýip, Bakhtar news habar berýär.
Geratyň gubernatory Nur Ahmed Islam Jar welaýatyň ähmiýetli senagat mümkinçiligini belläp geçdi we ýerli telekeçileriň Türkmenistan bilen has ýakyn ykdysady gatnaşyklary etmäge gyzyklanýandyklaryny sözüniň üstüne goşdy.
Geratyň Senagatçylar birleşmesiniň agzalary türkmen diplomatik wekilhanasynyň agzalaryna mermeriň ýokary hili barada aýtdylar, aýratynam, onuň Çişt-Şarif etrabynda gazylyp alynýan ýerinde ol has hem ýokary hillidigini nygtadylar we Türkmenistanyň ýerli çig malynyň satyn alnyşyny artdyrjakdygyna umyt bildirdiler.
Öz gezeginde, konsullygyň wekilleri Geratyň işewür gurluşlary bilen duşuşykda ykdysady hyzmatdaşlygy ösdürmäge gyzyklanma bildirýändiklerini bellediler.
ORIENT habarlar
