Gazagystan dünýä derejesindäki esasy meseleleri çözmek boýunça Astana Halkara forumyna badalga berýär
Möhüm bütindünýä meselelerini çözmek üçin tagallalary birleşdirmek maksady bilen, Gazagystan täze dialog meýdançasyna – Halkara Astana forumyna badalga berýär.
Forum 2023-nji ýylyň 8-9-njy iýunynda Astana şäherinde Gazagystanyň prezidenti Kasym-Žomart Tokaýewiň howandarlygynda geçiriler. Ol döwlete degişli we hususy düzümleriň, halkara guramalarynyň we ylmy toparlaryň wekillerine howanyň üýtgemegi, energetika howpsuzlygy we ş.m. bütindünýä meselelerini çözmekligiň ýollaryny gözlemek maksady bilen, dialog üçin platformany üpjün eder.
«Bu gün biz tutuş dünýä boýunça taryhy meseleleriň öňünde ýüzbe-ýüz durus, olara meňzeş bolan zatlara bize birnäçe onýyllyklaryň dowamynda ýa-da ondan-da köp wagtlap duşmandyk. Astana Halkara forumy hereket edýän halkara ulgamynyň esasy postulaty hökmünde hyzmatdaşlyga tapawut goýup, şol meselelere jogap gaýtarmak üçin döredilendir» – diýip, Tokaýew belledi, bu halkara maslahatynyň üsti bilen Gazagystanyň täze köprüleri gurjakdygyny we gatnaşyklary berkitjekdigini sözüniň üstüne goşdy.
Forumyň maksatnamasy esasy hasabatlary, panel sessiýalaryny, çekişme we ara alyp maslahatlaşmalar meýdançalaryny we beýleki çäreleri öz içine alýar.
Gyzyklanýan taraplar foruma gatnaşmak üçin çäräniň resmi saýtynda hasaba alnyp bilerler.
Astana Halkara forumynyň öň ýanynda Astana ykdysady forumy üstünlikli geçirildi. Ol dört sany esasy ugur boýunça: daşary syýasat, howpsuzlyk we durnuklylyk, energetika we howa, şeýle hem ykdysadyýet we maliýe boýunça meseleleri çözmek maksady bilen döredilipdi.
ORIENT habarlar
