BelTA: Lukaşenko Belorussiýanyň ŞHG-na agzalygy üçin borçnamalary baradaky ähtnamanyň taslamasyny tassyklady
Fewral 10, 2023 | 22:47 |10702
Belorussiýanyň prezidenti Aleksandr Lukaşenko Belorussiýanyň ŞHG-na agza bolmak üçin borçnamalary baradaky ähtnamanyň taslamasyny tassyklaýan karara gol çekdi. Bu barada döwlet baştutanynyň metbugat gullugyna salgylanyp, BelTA habar berýär.
2010-njy ýyldan bäri Belorussiýa ŞHG-nyň dialogynyň hyzmatdaşy bolup gelýär, 2015-nji ýyldan bäri bolsa Şanhaý hyzmatdaşlyk guramasynda synçy derejesine eýedir. Geçen ýyl guramanyň agza-döwleti derejesini almak boýunça işe badalga berildi.
Agza bolmagy resmileşdirmek üçin ähtnama gol çekilmeli we ol tassyklanmalydyr, şeýle hem bu guramanyň şertnama-hukuk esasyny düzýän resminamalaryň birnäçesine goşulmak zerur bolup durýar.
ORIENT habarlar
