Bütindünýä banky Türkiýä ýer titremeden soňra gaýtadan dikeltmek işleri üçin $1,78 mlrd berer

Fewral 10, 2023 | 22:32 |4531

Bütindünýä bankynyň baştutany Dewid Malpass Türkiýä weýrançylykly ýer titremesinden soň halas ediş we dikeldiş işlerini geçirmekde kömek etmek üçin bu bank tarapyndan 1 mlrd 780 mln dollar beriljekdigini beýan etdi – diýip, Anadolu agentligi habar berýär.

Maliýe guramasy şeýle hem betbagtçylygyň möçberinianyklamak üçin ýetirilen zyýany çalt baha bermek we gaýtadan dikeltmek we abatlamaga mätäç bolan ugurlary kesgitlemek prosesine başlady.

Türkiýäniň daşary işler ministri Mewlýut Çawuşoglunyň beýan etmegine görä, häzirki wagtda betbagtçylygyň bolup geçen zolagynda 56 ýurtdan 6 479 sany halas ediji işleýär.

Türkiýäniň günorta-gündogaryndaky weýrançylykly ýer titremesinden soň wepat bolanlaryň sany 16 müň adamdan geçdi.

ORIENT habarlar