Ahalyň täze welaýat saglyk öýleri üçin lukmançylyk enjamlary satyn alnar
Türkmenistanyň Saglygy goraýyş we derman senagaty ministrligi Ahal welaýatyndaky täze saglyk öýleri üçin döwrebap lukmançylyk enjamlaryny we şahsy arassaçylyk serişdelerini satyn almak üçin tender yglan etdi.
Degişli lotlar Ahal welaýatynyň Gökdepe etrabynyň Köpetdag we Owadandepe daýhan birleşiklerinde, Ak Bugdaý etrabynyň Öňaldy we Kaka etrabynyň Gowşut daýhan birleşiklerinde ýerleşýän täze saglyk öýlerine degişlidir. Bu baradaky maglumaty «Türkmenistan» gazeti berýär.
Bäsleşige gatnaşmak baradaky teklipler tenderiň çap edilen gününden başlap 30 iş gününiň dowamynda Türkmenistanyň Saglygy goraýyş we derman senagaty ministrliginiň şu salgyda ýerleşýän jaýynda kabul edilýär: Aşgabat şäheri, Arçabil şaýoly, jaý 20.
Habarlaşmak üçin telefon: 40-04-79.
ORIENT habarlar
