FIFA ýylyň iň gowy oýunçysynyň baýragyna mynasyp üç dalaşgäri yglan etdi

Fewral 11, 2023 | 18:53 |7474

FIFA 2022-nji ýylyň (2021/22 möwsümi we 2022-nji ýylyň dünýä çempionaty boýunça) iň gowy oýunçysynyň baýragyna mynasyp üç dalaşgäri yglan etdi. Olar – Lionel Messi (“PSŽ”, Argentina), Kilian Mbappe (“PSŽ”, Fransiýa) we Karim Benzema (“Real”, Fransiýa).

Üç finalçy milli ýygyndy toparlaryň tälimçilerini, kapitanlaryny, žurnalistleri we janköýerleri öz içine alýan halkara eminler toparynyň kömegi bilen ýanwar aýynda köpçülige ýetirilen iň gysga sanawdan saýlandy.

Ýylyň oýunçysy 2023-nji ýylyň 27-nji fewralynda Parižde yglan ediler. 2020-nji we 2021-nji ýyllarda bu baýraga şol döwürde “Bawariýa” toparynyň düzüminde oýnan polýak hüjümçisi Robert Lewandowski mynasyp bolupdy.

ORIENT news