“Gap Inşaat” Türkmenistanda üç sany halkara lukmançylyk merkezini gurar

Fewral 11, 2023 | 15:53 |18845

Aşgabatda Türkiýäniň “Gap Inşaat” kompaniýasy tarapyndan üç sany lukmançylyk merkezi gurlar. Degişli resminamalara anna güni Türkmenistanyň Prezidenti Serdar Berdimuhamedow Ministrler Kabinetiniň mejlisinde gol çekdi – diýip, Türkmenistanyň Döwlet habarlar agentligi (TDH) habar berýär.

Täze lukmançylyk merkezleri Türkmenistanyň Saglygy goraýyş we derman senagaty ministrliginiň buýurmasy esasynda bina ediler. Şeýlelikde, ýakyn geljekde Aşgabatda Halkara pediatriýa merkezi (160 orunlyk), Onkologiýa dispanseri (500 orunlyk) we häzirkizaman Stomatologiýa merkezi peýda bolar.

Türk potratçysy merkezleriň gurluşygyna 2023-nji ýylda girişer we 2026-njy ýylda ulanyşa tabşyrar.

ORIENT news