RF, Gazagystan we Özbegistan gaz pudagynda hyzmatdaşlygy ara alyp maslahatlaşdylar – “Gazprom”
9-njy fewralda “Gazprom”-yň ýolbaşçysy Alekseý Miller hem-de Gazagystanyň we Özbegistanyň energetika ministrleri gaz pudagynda üçtaraplaýyn gatnaşyklaryň mümkinçiliklerini ara alyp maslahatlaşdylar diýip, “Gazprom” habar berýär.
“Şu gün Alekseý Milleriň Gazagystan Respublikasynyň energetika ministri Bolat Akçulakow we Özbegistan Respublikasynyň energetika ministri Žurabek Mirzamahmudow bilen iş duşuşygy geçirildi. Duşuşyga gatnaşyjylar gaz pudagynda üçtaraplaýyn gatnaşyklaryň mümkinçiliklerini ara alyp maslahatlaşdylar” diýlip, “Gazprom”-yň saýtyndaky habarda aýdylýar.
2023-nji ýylyň ýanwarynda “Gazprom” Gazagystanyň hökümeti we Özbegistanyň Energetika ministrligi bilen gaz pudagynda hyzmatdaşlyk boýunça ikitaraplaýyn ýol kartasyna gol çekdi.
Nury AMANOW
