Türkmen deputatlary Türküstanda Merkezi Aziýa döwletleriniň Parlamentara forumyna gatanaşýarlar
Merkezi Aziýa döwletleriniň ilkinji Parlamentara forumy anna güni Gazagystanyň Türkistan şäherinde geçiriler. Onuň işine Gazagystanyň, şeýle hem Gyrgyzystanyň, Täjigistanyň, Türkmenistanyň we Özbegistanyň parlamentarileri gatnaşarlar, olaryň wekiliýetleri eýýäm bu ýurda geldiler. Türkmen wekiliýetine Türkmenistanyň Mejlisiniň başlygynyň orunbasary Gurbanmyrat Aşyrow ýolbaşçylyk edýär diýip, Gazagystanyň senatynyň metbugat gullugy habar berýär.
Deputatlar Merkezi Aziýa ýurtlarynyň strategik hyzmatdaşlygyny pugtalandyrmak baradaky meseleleri hem-de bu işlerde parlamentleriň eýeleýän ornuny ara alyp maslahatlaşarlar. Foruma gatnaşyjylaryň ykdysady hyzmatdaşlygy giňeltmäge we Merkezi Aziýa sebitiniň ýeke-täk medeni-taryhy giňişligini döretmäge gönükdirilen parlamentara özara gatnaşyklary has-da ösdürmek hakynda Türküstan jarnamasyny kabul etmeklerine garaşylýar.
Parlamentara forumy geçirmek baradaky çözgüt 2022-nji ýylyň iýulynda Merkezi Aziýa döwletleriniň baştutanlarynyň Konsultatiw duşuşygynda kabul edilipdi.
ORIENT news
