"Sanly kampus" Aşgabatda ilkinji diňleýjilerini garşy aldy
"Yeňme" jemgyýetçilik guramasy tarapyndan badalga berlen "Sanly kampus" (bilim şäherçesi) taslamasy ilkinji "talyplaryny" kabul etdi: 60 sany ýaş oglan-gyzlar iňlis we kompýuter sowatlylygy boýunça okuw sapaklaryna başladylar.
Bilim şäherçesiniň maksatnamasy täzeçillige höwes bildirýän ýetginjekleri we ýaşlary sanlylaşdyrma boýunça işjeň okuw prosesine çekmäge gönükdirilendir.
Mugallymlar okuwlarda okatmagyň interaktiw usulyny ulanýarlar, bu diňleýjilere durmuşyň umumy ösüş, aň-bilim, medeni, oýlap tapyjylyk ýaly we beýleki möhüm meseleleri çözmek üçin häzirkizaman sanly tehnologiýalary netijeli ulanmaga, şeýle hem başarnyklaryny we bilim derejesini ýokarlandyrmaga kömek eder.
Synpda ýaşlar maglumat tehnologiýalary, IT, robot we beýleki ugurlar boýunça meşhur hünärler boýunça bilim we endik alarlar.
“Sanly kampusda” bilim alan ýaşlar geljekde tehnologiýa we IT tehnologiýa ýaryşlaryna, şeýle hem dil boýunça bäsleşiklere gatnaşyp bilerler.“Sanly kampus” taslamasy Aşgabatda “Yeňme” jemgyýetçilik guramasy tarapyndan BMGÖM we ÝB bilen bilelikde “Aziýada zorlukly ekstremizme garşy durnuklylygy güýçlendirmek” (STRIVE Asia) maksatnamasynyň çäklerinde durmuşa geçirilýär. Ol ýaşlaryň geljekde iş tapmak mümkinçiligi üçin bilimlerini we başarnyklaryny ösdürmäge we kämilleşdirmäge gönükdirilendir.
ORIENT news
