Özbegistan Türkmenistana “ Tiz kömek” awtoulaglaryny iberdi
Fewral 08, 2023 | 03:58 |13210
Özbegistan iki ýurduň arasynda diplomatik gatnaşyklaryň ýola goýulmagynyň 30 ýyllygy mynasybetli Türkmenistana 20 sany Volkswagen Caddy “Tiz kömek” awtoulaglaryny iberdi.
Awtoulaglary garşy almak babatda dabaraly çäreler Daşoguz welaýaty bilen Horezm welaýatynyň arasynda ýerleşýän "Şawot" serhet gümrük nokadynda geçirildi.
Türkmenistan hem öz gezeginde dostluk we doganlyk gatnaşyklaryny pugtalandyrmagyň alamaty hökmünde Özbegistana suwuklandyrylan gazyň degişli möçberini muzdsuz iberdi.
Ozal Türkmenistanyň paýtagtynda Türkmenistan bilen Özbegistanyň arasynda diplomatik gatnaşyklaryň ýola goýulmagynyň 30 ýyllygyna bagyşlanan dabaraly çäre geçirildi.
ORIENT news
